പഞ്ചവത്സര എൽഎൽബി പ്രവേശന പരീക്ഷാഫലം പ്രസിദ്ധീകരിച്ചു

തിരുവനന്തപുരം: പഞ്ചവത്സര എൽഎൽ.ബി. കോഴ്‌സിലേക്കുള്ള പ്രവേശനത്തിനായി ജൂൺ 22 ന് നടത്തിയ പ്രവേശന പരീക്ഷയുടെ ഫലം പ്രസിദ്ധീകരിച്ചു. പരീക്ഷ കമ്മീഷണറുടെ വെബ്സൈറ്റായ www.cee.kerala.gov.in ൽ ‘Integrated Five Year L.L.B 2020-Candidate Portal’ എന്ന ലിങ്കിലെ ‘Result’ എന്ന മെനു ഐറ്റം ക്ളിക്ക്‌ ചെയ്‌ത് വിദ്യാർത്ഥികൾക്ക് പരീക്ഷാഫലം അറിയാം.
പ്രവേശന പരീക്ഷയിൽ കുറഞ്ഞത്‌ 10 ശതമാനം മാർക്ക്‌ നേടിയ ജനറൽ/എസ്‌.ഇ.ബി.സി. വിഭാഗക്കാരും കുറഞ്ഞത്‌ 5 ശതമാനം മാർക്ക്‌ നേടിയ എസ്‌.സി./എസ്‌.ടി. വിഭാഗക്കാരും മാത്രമാണ്‌ പ്രവേശന പരീക്ഷയിൽ യോഗ്യത നേടിയിട്ടുള്ളത്‌.