SUBSCRIBE OUR YOUTUBE CHANNEL https://youtube.com/c/SchoolVartha
JOIN OUR WHATSAPP GROUP https://chat.whatsapp.com/JuuEU6443gVHL3cmafwn8g
തിരുവനന്തപുരം: അക്കാദമികേതര പ്രകടനങ്ങളിൽ മികവ് തെളിയിക്കുന്ന വിദ്യാര്ഥികള്ക്കുള്ള ഗ്രേസ്മാര്ക്ക് ഈ വർഷംമുതൽ പുന:സ്ഥാപിക്കുന്ന കാര്യം സര്ക്കാര് പരിഗണിക്കുന്നതായി മന്ത്രി വി.ശിവന്കുട്ടി. നാഷണല് സര്വീസ് സ്കീം വിഎച്ച്എസ്ഇ വിഭാഗം സംഘടിപ്പിച്ച \’മഹിതം\’ പരിപാടി ഉദ്ഘാടനം ചെയ്യുകയായിരുന്നു അദ്ദേഹം. കോവിഡിന് ശേഷം കഴിഞ്ഞ വര്ഷം വിദ്യാർത്ഥികൾക്ക് ഗ്രേസ്മാര്ക്ക് അനുവദിച്ചിരുന്നില്ല. ഈ വർഷം ഗ്രേസ്മാര്ക്ക് പുന:സ്ഥാപിക്കാനാണ് സർക്കാർ തീരുമാനം. എന്നാൽ ഇത് കൂടുതൽ കാര്യക്ഷമമാക്കും. നേരത്തെ ഗ്രേസ്മാര്ക്ക് വിതരണത്തില് അസമത്വം ഉണ്ടായിരുന്നതായും അവ പരിഹരിച്ച് നീതിയുക്തമായ രീതിയിലായിരിക്കും മാര്ക്ക് അനുവദിക്കുകയെന്നും മന്ത്രി ചൂണ്ടിക്കാട്ടി.
വിദ്യാര്ഥികള്ക്കിടയില് എന്.എസ്.എസിന്റെ പ്രാധാന്യം അനുദിനം വര്ധിച്ചു വരികയാണെന്നും പാഠ്യേതര പ്രവര്ത്തനങ്ങളിലും സാമൂഹിക പ്രതിബദ്ധതയുള്ള പ്രവര്ത്തനങ്ങളിലും എന്.എസ്.എസ് വളണ്ടിയര്മാരായ വിദ്യാര്ഥികളുടെ സേവനം മികച്ചതാണെന്നും മന്ത്രി പറഞ്ഞു. ചടങ്ങില് പൊതുവിദ്യാഭ്യാസ വകുപ്പ് ഡയറക്ടര് ജീവന് ബാബു. കെ അധ്യക്ഷനായി. സംസ്ഥാന എന്.എസ്.എസ് ഓഫീസര് ഡോ. അന്സര് ആര്.എന്, റീജ്യനല് ഡയറക്ടര് ശ്രീധര് ഗുരു, ഡോ. സണ്ണി എന്. എം തുടങ്ങിയവര് പ്രസംഗിച്ചു.മികച്ച സംസ്ഥാനതല പ്രോഗ്രാം ഓഫീസര്മാര് ബി.പി അങ്ങാടി സ്കൂളിലെ കെ. സില്ലിയത്തും നടക്കാവ് സ്കൂളിലെ എം.കെ. സൗഭാഗ്യ ലക്ഷ്മിയുമാണ്. മികച്ച സംസ്ഥാനതല വളണ്ടിയര്മാരായി കോഴിക്കോട് ബാലുശ്ശേരി ഗവണ്മെന്റ് വി.എച്ച്.എസ്.എസിലെ വേദ വി.എസും ഇടുക്കി തട്ടക്കുഴ വി.എച്ച്.എസ്.എസിലെ നിയാസ് നൗഫലും തെരഞ്ഞെടുക്കപ്പെട്ടു. ഇവര്ക്കുള്ള അവാര്ഡുകളും ജില്ലാതലങ്ങളിലെ വിജയികള്ക്കുള്ള അവാര്ഡുകളും മന്ത്രി വിതരണം ചെയ്തു.
![\"\"](\"https://news.schoolvartha.com/wp-content/uploads/2022/10/FB_IMG_1661542434412-1024x1022.jpg\")
